أول كتاباتي بالعامية
وقع الحلم من ع السلالم انكسر
كبر الحزن جوايا وأصبح وطن
قلت أصبر
يمكن ربنا يزرع الخير في قلوب البشر
صبرت . . .
يوم . . . شهر . . . سنة
الخير اختفى . . . إندثر
ملامح الناس والمدن بقيت حجر
الظلم زاد . . . ساد . . . انتشر
الدم لون الميادين ، الشوارع والحفر
كسى السواد القلوب بدل اوراق الشجر
اصحوا يا ناس . . .
كفاية خوف . . . كفاية خرس
حل الخراب دق ناقوس الخطر
حاجز الصمت زال واتقهر
والخوف اللي ملانا لمية حتة اتكسر
لما الظلم طال مرر عشيتنا وطفح
ملـــــــــعون أبوك ياخوف
لو هنفضل ننحنى ونفوسنا مقهوره
لقمة العيش ناكلها بذل ونفس مكسورة
ورئيسنا تملي هربان وسايب الصوره
عامل فيها مش عارف ومش فاهم هي فزوره ؟!
كل حاجة في بلادنا بالعجز موصوفه
عجز في العيش والبنزين حتى الكهرباء مقطوعة
يارب ساعدنا . . . دي جماعة محظورة
تتحظر تاني وتبقى مالخدمة مرفوعه
بدل ما يموتونا بجلطة مقصودة
أو قطر مقلوب او حادثة مشهورة
يا ينشونا طلقة ويقولوا مش معروفة
خلاص قربنا نخلص ونسيبلهم المحروسة
مع انها بيهم والله موكوسه
مع انها بيهم والله موكوسه
4 التعليقات:
ملامح الناس والمدن بقيت حجر
كلماتك فكرتنى بكلمات سيد حجاب ( مش فاضل منى غير شوية دم )
مش عارفة اعلق بأى كلمة لان الكلمات خلصت والحروف حرقوها مع حرقة دمنا بأفعالهم الشيطانية
تعرفى انى عمرى ما فكرت فى هجرة او انى اسافر واسيب مصر
لكن السنة دى فكرة السفر بتلح على عقلى كتييييييير
حسبنا الله ونعم الوكيل
اول مرة تكتبى بالعامية وياريت ماتبقى الاخيرة فاحيانا العامية بتوصل الاحساس بسهولة اكتر ...سلم حرفك واحساسك غاليتى
تحياتى لك اختى الحبيبة بحجم السماء
لالالالالا سفر ايه انا في عرضك وطولك كمان
هههههههههههههههههه
هتسيبينا وتروحي فين ؟ وهنهون عليكي
بكره ربنا يعدلها ان شاء الله
الظلم والفساد مهما طال اكيد ليه نهايه
مين كان يصدق ان مبارك وبعد 30 سنة يخرج وبالطريقة دي لا ويتسجن هو وولاده كمان
وده بقى كان فساده ضارب بجذورة في كل حته في البلد . مرسي والاخوان مش هيغلبونا خليهم يلعبو شويه وهيمشوا هيمشوا
وربنا يعوض علينا باللي يحب البلد بجد ويحاول يرممها تاني
تحيــــــــــــــاتي
ودايما منوراني
جميل ,, تسلم إيدك مدونتك جميلة ,, هروح ألف فيها شوية :)
هناء محمود " يوميات فرن بالكهربا "
متشكرة ياقمر
الجميل وجودك لفي براحتك
اعتبريها مدونتك
نورتيها بجد
ملامح الناس والمدن بقيت حجر
كلماتك فكرتنى بكلمات سيد حجاب ( مش فاضل منى غير شوية دم )
مش عارفة اعلق بأى كلمة لان الكلمات خلصت والحروف حرقوها مع حرقة دمنا بأفعالهم الشيطانية
تعرفى انى عمرى ما فكرت فى هجرة او انى اسافر واسيب مصر
لكن السنة دى فكرة السفر بتلح على عقلى كتييييييير
حسبنا الله ونعم الوكيل
اول مرة تكتبى بالعامية وياريت ماتبقى الاخيرة فاحيانا العامية بتوصل الاحساس بسهولة اكتر ...سلم حرفك واحساسك غاليتى
تحياتى لك اختى الحبيبة بحجم السماء
لالالالالا سفر ايه انا في عرضك وطولك كمان
هههههههههههههههههه
هتسيبينا وتروحي فين ؟ وهنهون عليكي
بكره ربنا يعدلها ان شاء الله
الظلم والفساد مهما طال اكيد ليه نهايه
مين كان يصدق ان مبارك وبعد 30 سنة يخرج وبالطريقة دي لا ويتسجن هو وولاده كمان
وده بقى كان فساده ضارب بجذورة في كل حته في البلد . مرسي والاخوان مش هيغلبونا خليهم يلعبو شويه وهيمشوا هيمشوا
وربنا يعوض علينا باللي يحب البلد بجد ويحاول يرممها تاني
تحيــــــــــــــاتي
ودايما منوراني
جميل ,, تسلم إيدك مدونتك جميلة ,, هروح ألف فيها شوية :)
هناء محمود " يوميات فرن بالكهربا "
متشكرة ياقمر
الجميل وجودك لفي براحتك
اعتبريها مدونتك
نورتيها بجد
إرسال تعليق